લગ્નની લાલચ આપીને તેની સાથે અનેકવાર શારીરિક સંબંધ બાંધ્યાની ફરિયાદ મહિલાએ કૃષ્ણનગર પોલીસ સ્ટેશનમાં નોંધાવી છે.
SAMAY NEWS007 22 એપ્રિલ 2019
અમદાવાદ: શહેરના ઠક્કરનગરમાં રહેતી અને ખાનગી હોસ્પિટલમાં નર્સ તરીકે ફરજ બજાવતી એક પરિણીતા તેમજ 1 દીકરાની માતાને સરખેજમાં રહેતા "તન્વીર મલેક" નામના શખ્સે લગ્નની લાલચ આપીને તેની સાથે અનેકવાર શારીરિક સંબંધ બાંધ્યાની ફરિયાદ મહિલાએ કૃષ્ણનગર પોલીસ સ્ટેશનમાં નોંધાવી છે.
પરિણીતા પોતાના દિકરાના એડમિશન માટે પ્રયત્નો કરી રહી હતી તે સમયે તેની મુલાકાત તન્વીર મલેક સાથે થઈ. તન્વીરે પોતે બોપલમાં રહે છે અને તે પરિણીતાના દિકરાનું એડમિશન કરાવી આપશે એમ કહી તેની સાથે પ્રેમ સંબંધો બાંધી પરિણીતાના ઘરે તેમજ જુદી જુદી હોટેલ ગેસ્ટ હાઉસમાં લઇ જઇને શારીરિક સબંધ બાંધ્યા હતા.
તન્વીરે પરિણીતાને સમજાવી ફોસલાવીને તેના પતિ સાથે ડિવોર્સ કરાવી દીધા અને તેના ખાનગી ફોટા અને વીડિયો ઉતારીને અવાર નવાર તેને મળવા અને શારીરિક સંબંધ બાંધવા મજબૂર કરતો હતો. અંતે પરિણીતાએ કંટાળીને પોલીસ સ્ટેશનમાં તન્વીર સામે ફરિયાદ નોંધાવી. હાલમાં તન્વીર ફરાર છે અને પોલીસ તેની શોધખોળ કરી રહી છે.
Comments
Post a Comment